Frank Hondsmerk (45) er tilsett som ny dagleg leiar i kommunikasjonsbedrifta Norsk Plan. Han tar over etter Bente Kjos-Wenjum.

Hondsmerk er i dag tilsett som IT-sjef i Ryfylke IKS. Han har ansvar for felles IKT-drift i fire kommunar, Strand, Hjelmeland, Suldal og Sauda. Noko som inneber å vere dagleg leiar for ei felles IT-gruppe på 16 IT-konsulentar.

Frank Hondsmerk er frå Nederland og kom til Suldal i 2008. Han bur i Erfjord med familien sin, der byggjer dei også nå nytt hus.

Han har brei erfaring frå privat sektor, både små og internasjonale bedrifter. Styret meiner Frank vil tilføre Norsk Plan viktig kompetanse, ikkje minst inngåande kunnskap om IT, programmering og digitale flater. Han har også erfaring med strategiutvikling og marknadsføring og vil vere viktig til å bidra til vidareutvikling av bedrifta. Frank sjølv tykkjer dette er ein spanande og variert jobb der han trur han får brukt fleire sider av kompetansen sin.

 

For meir informasjon

ta kontakt med

Bente Kjos-Wenjum

47 23 17 35